Британскиот весник Фајненшл тајмс во ранг листата за 2019 година не ја ни рангираше Македонија на листата, па по ова земјава има пад на странските директни инвестиции од загрижувачки 50-тина места за само четири години, од 3-то место во 2016 година сега земјава не е на листата, затоа што немала ниту 10 странски инвестиции.

Во однос на приливот на странски директни инвестиции економскиот аналитичар Гоце Димовски вчера објави податоци според кои приливот на СДИ за 2019 година и прва половина од 2020 година споредбено со земјите во регионот Македонија има дури 3,5 пати помалку инвестиции од Албанија.

Состојбата со непривлекување на СДИ не е лоша, туку никој не инвестира во државава, според информациите во текот на вториот квартал од 2020 година, вкупните директни инвестиции во Македонија бележат одлив од 9,3 милиони евра што е поразително според експертите.

Дека има неверојатен одлив на капиталот говорат ранг листите на Фајненшл тајмс каде според индексот за успешност на СДИ, Македонија во 2016 година беше на 3-то место, додека во 2018 година падна на 18-то место.

Сега ранг листата за минатата година покажува дека земјава ја нема ни помеѓу првите 50-тина држави од вкупно 103 на листата на Фајненшл.

За методологијата според која се мери успешноста и рангирањето потребно е конкретната земја да остварила 10 странски директни инвестиции од претходната година.

Секако тоа не е случај со земјава која од тие причини не е ни рангирана на листата.

Во 2019 година најдобро рангирана држава на светско ниво е соседна Србија која со 11.92 индекс е на врвот на ранг листата со најдобра успешност во привлекување и остварување на странски директни инвестииции.

Србија освоила вкупно одлични 107 проекти за странски директни инвестиции, 26 СДИ повеќе од 2017 година.

Втора на ранг листата е Црна Гора со индекс од 11.49 со 11 проекти за СДИ.